सूचना-प्रबिधि
टेलिफोन र एडिएसएलमा समस्या
Published on 2019-11-16
0 Comments
भोजपुर, २९ कात्तिक
जिल्लाको षडानन्द नगरपालिका–७ मा रहेको टेलिकमको टावरमा जडान गरिएका ल्याण्डलाइन र एडिएसएलको ब्याट्री (ब्याकअप) मा एक समस्या आएको छ । विद्युत् लाइन जानेबित्तिकै सेवा अवरुद्ध भएपछि पटकपटक समस्याका बारेमा जानकारी दिँदा पनि टेलिकमले कुनै प्रयास नगरेको जिल्लावासीको गुनासो छ ।
फोन तथा इन्टरनेटको सेवा अवरुद्ध हुने बित्तिकै दैनिक काममा समेत अवरोध हुने गरेको छ । इन्टरनेट सेवा अवरुद्ध हुँदा लोक सेवा, शिक्षक सेवा, डिभी फाराम भर्नेलगायतका सेवा प्रदान गर्न समस्या आएको सुवास ट्रेड लिंकका सञ्चालक सुवास कठेतले बताउनुभयो । जिल्लावासीले इन्टरनेट र फोन सेवा नियमित नहुँदा अनावश्यक शुल्क तिर्नु परेको बताएका छन् । चाहेको समयमा सेवा उपभोग गर्न नपाउँदा पनि सेवा शुल्क तिर्नुपरेको होटल व्यवसायी पवन राईको गुनासो छ ।
नेपाल टेलिकम खाँदबारीका प्रमुख राधारमण भट्टराई प्राविधिक काम सबै धनकुटा टेलिकमले हेर्ने भएकाले धनकुटामै सम्पर्क गर्नुपर्ने भन्दै जिम्मेवारीबाट पन्छिन खोज्नुभएको छ । नेपाल टेलिकम धनकुटाले भने समस्याका बारेमा समयमा जानकारी नआएकाले यो समस्या समाधान गर्न नसकिएको बताएको छ ।
विराटनगर टेलिकम कार्यालयसँग समन्वय गरेर तीन÷चार दिनभित्रमै ब्याट्री व्यवस्थापन गरेर समस्या समाधान गरिने धनकुटा टेलिकमका प्रमुख ज्ञाननाथ सापकोटाले जानकारी दिनुभयो । चार वर्षअघि सेवा जडान गरिएको जिल्लामा ९६ वटा ल्याण्डलाइन र एडिएसएलको पोष्ट जडान गरिएको छ ।(रासस)
Leave a facebook comment
Comments
No comment yet. Be the first one to comment.
सूचना-प्रबिधि
- टेलिफोन र एडिएसएलमा समस्या
- एक सातादेखि टेलिफोन सेवा अवरुद्ध
- दुई दिनदेखि टेलिफोन अवरुद्व
- तनहुँको विभिन्न छ स्थानमा निःशुुल्क वाइफाई
- पचासभन्दा बढी शहरमा अब टेलिकमको फोरजी सेवा
- फेसबुकद्वारा दशौँ हजार एप्स निलम्बन
- मानिसको मुड फोनको ब्याट्रि द्वारा नियन्त्रण : अनुसन्धान
- मालपोत कार्यालयमा अनलाइन सेवा शुरु
लोकप्रिय
मुख्य समाचार
फोटो ग्यालरी
जीवन कर्मको दोस्रो नाम हो, जो कर्म गर्दैन, उसको अस्तित्व त रहन्छ तर जीवित हुँदैन ।
-हिलार्ड
Tweets by sagarmatha weekly
