शेयर बजार
टाटा मोटर्सको सेयरमूल्य एकैदिन ३० प्रतिशत घट्यो
Published on 2019-02-08
0 Comments
मुम्बई, २५ माघ ।
जागुअर ल्यान्डरोभर बिक्रीमा समस्या देखिएपछि भारतको टाटा मोटर्स कम्पनीको सेयरमूल्य शुक्रबार ३० प्रतिशत घटेको छ । भारतकै ठूलो विलासी कार निर्माता टाटा मोटर्सको पहिलो चौमासिकमा सबैभन्दा बढी नोक्सानी व्यहोरेको थियो । चीनमा कारको बिक्री घटेसँगै जागुअर ल्यान्डरोभरले अघिल्लो साता विश्वभर चार हजार ५०० कामदार हटाउने निर्णय गरेको थियो ।
मुम्बईस्थित कार उत्पादक टाटा मोटर्सले चीनमा जागुअरको माग घटेको तथा ब्रेक्जीटको अनिश्चिततासँगै बढ्दो ऋणका कारण समस्या आएको जनाएको छ ।
कम्पनीले सन् २०१८ को अन्तिम चौमासिक (सेप्टेम्बरदेखि डिसेम्बरसम्म) अवधिमा खूद नोक्सानी ३ अर्ब ८० करोड डलर (२ खर्ब ७० अर्ब भारतीय रुपैयाँ) भएको जनाएको छ । अघिल्लो वर्ष त्यही अवधिमा कम्पनीको नाफा १२ अर्ब भारतीय रुपैयाँ भएको थियो ।
भारतीय कर्पोरेट इतिहासमै यो सबैभन्दा ठूलो नोक्सानी हो । ब्लुमबर्ग न्यूजका अनुसार यसअघि सन् २०१२ मा इन्डियन आयल कर्पोरेसनले सबैभन्दा बढी नोक्सानी व्यहोरेको थियो ।
“अहिले उद्योगका लागि कठिन घडी हो, तर हामी दिगो र नाफामुखी वृद्धि सुनिश्चित गर्नेतर्फ केन्द्रित हुनेछौं,” जागुअर ल्यान्डरोभरका प्रमुख कार्यकारी राल्फ स्पेथले बताउनुभयो ।
ब्लुमबर्गका अनुसार विगत १२ महिनामा टाटा मोटर्सको सेयरमूल्यमा ५० प्रतिशतभन्दा बढी घटेको छ । विगत २६ वर्षमा टाटा मोटर्सको सेयरमूल्य एकै दिन यतिठूलो परिमाणमा घटेको यो पहिलोपटक हो ।एएफपी
Leave a facebook comment
Comments
No comment yet. Be the first one to comment.
शेयर बजार
- शेयर बजारमा सामान्य वृद्धि
- नयाँ वर्षको पहिलो दिन : शेयर बजार चार अङ्कले बढ्यो
- सिभिल क्यापिटल मार्केटले तीन करोड ७५ लाख रुपैयाँको आईपीओ जारी गर्ने
- शेयर बजार : दोहोरो अङ्कले बढ्यो
- धितोपत्र कारोबारको लागि अनलाइन लगइन सम्बन्धि सूचना !
- मल्टिपल डिम्याट खाताको व्यवस्था गर्दै नेप्से, एउटै लगानीकर्ताले चाहेजति डिम्याट खाता खोल्न पाउने
- शेयर बजारमा सुधार : छ अङ्कको वृद्धि
- युनियन हाइड्रोपावरको आईपीओमा मागे जति आवेदन परेन, वैशाख १२ गतेसम्म समय थपियो
लोकप्रिय
- धूलो सहितको आँधीका कारण भारतमा ३५ जनाको मृत्यु
- नौ महिना भित्रमा हजार भन्दा बढी बैंकिंग अपराध
- कुरा फेरी जस्ताको त्यस्तै / मुद्दा नागरिकताको
- नेपालले पहिलो पटक अन्तरिक्षमा भू-उपग्रह पठायो
- युनामिड मिसनमा जाने १८० प्रहरी कर्मचारीको बिदाइ
- नेशनल बैंकिङ र मुक्तिनाथबीच सम्झौता
- निगमको जहाज रोकिनु एटिसी र निगम दुवैको गल्ती
- यातायात समितिलाई कम्पनीमा लैजान सात सदस्यीय समिति गठन
मुख्य समाचार
फोटो ग्यालरी
जीवन कर्मको दोस्रो नाम हो, जो कर्म गर्दैन, उसको अस्तित्व त रहन्छ तर जीवित हुँदैन ।
-हिलार्ड
Tweets by sagarmatha weekly
